м.ғ.д., профессор Ж.Б. Оразалин
Хирургиялық стоматология кафедрасының профессоры, медицина ғылымының докторы, «Алтын скальпельді алтын қол» дәрігер Жақсылық Бекбатырұлы Оразалинге биыл 80 жас толуына орай өмірінен бір үзік сыр.
Ол оқытушылық жұмыспен бірге Республикалық стоматологиялық поликлиниканың бас дәрігері мен ҚазССР Денсаулық министрлігінің бас стоматологы ретінде жауапкершілік қызметті жақсы біріктіре білді. Бойындағы ұйымдастырушылық қабілеті нәтижесінде Ж.Б.Оразалин сол жылдары Қазақстандағы стоматологиялық білім беруде стоматологиялық қызметтің дамуын баға жетпес еңбек сіңірді. Ж.Б.Оразалиннің еңбегі арқасында АММИ стоматологиялық поликлиникасы Республикалық статусқа ие болды, және де АММИ стоматологиялық кафедрасы үшін оқу базасы болуына мұрындық болды.
1980 жылдан 2011 жылға дейін хирургиялық стоматология кафедрасын медицина ғылымдарының докторы, профессор Жақсылық Бекбатырұлы Оразалин (1942 жылы туған) басқарды. 1970 жылы қарашада Мәскеу қаласындағы мақсатты аспирантураны бітіріп, кандидаттық диссертациясын қорғағаннан кейін ол ассистент болып сайланды, ал 1974 жылдан бастап АММИ хирургиялық стоматология кафедрасының доценті болды. Ол оқытушылық қызметті республикалық стоматологиялық емхананың бас дәрігері және ҚАЗМ ДСМ бас стоматологы лауазымымен сәтті ұштастырды.
Ұйымдастырушылық қабілеті бар Ж.Б. Оразалин сол жылдары Қазақстанда стоматологиялық қызметтің, жақ-бет хирургиясы мен стоматологиялық білім берудің дамуына баға жетпес үлес қосты. ҚР-да алғаш рет проф.Ж. Б. Уразалин 4-5 жыл аралығымен стоматолог-дәрігерлер мен жақ-бет хирургтарының 3 съезін ұйымдастырды және өткізді. 1986 жылы Ж.Б. Уразалин “төменгі жақ сүйегі сынған науқастарға емдік көмекті жетілдіру мәселелері” тақырыбында докторлық диссертациясын қорғады. Жақсылық Бекбатырұлы өзінің бар күш-жігерін стоматологиялық факультетті дамытуға жұмсады. Ректоратта 20 жылдан астам жұмыс істеді (ректорлар С.Р. Қарынбаев, К. М. Маскеев, Е. С. Белозеров, Т. А. Муминов және А. А. Ақанов). 1978-1984 жылдары АММИ стоматология факультетінің деканы, 1989-1995 жылдары клиникалық жұмыс жөніндегі проректор, ал 1995-2001 жылдары оқу-тәрбие жұмысы жөніндегі проректор, 2011-2013 жылдары стоматология департаменті мен стоматология институтының директоры қызметтерін атқарған. Жақсылық Бекбатырұлы докторлық және кандидаттық диссертацияларды қорғау жөніндегі мамандандырылған кеңесті ұйымдастыруға белсенді қатысты, құрылған күнінен бастап 2007 жылға дейін оның тұрақты төрағасы болды. Кеңестің ұйымдастырылуы Қазақстандағы стоматологиялық ғылымның дамуындағы маңызды кезең болды.
Жақсылық Бекбатырұлы қандай қызметте жүрсе де, ең алдымен өзінің дәрігер екенін ұмытқан жоқ. Қырық жылдан астам еңбек өтілінде мыңдаған ота жасап, талай науқасқа қол ұшын берді. Зейнетке шықса да қарап отырмай, жас мамандарға үйретіп, тәжірибесімен бөлісіп отыр.
Ол жоғары білікті жақ-бет хирургі, тамаша клиницист, оның жақ-бет хирургі ретіндегі кәсібилігі атындағы ҚазҰМУ мерейтойына орай символикалық “алтын скальпельді” табыстау рәсімімен атап өтілді. Ол 134-тен астам баспа жұмыстарын жариялады, “Хирургиялық стоматология” мемлекеттік тілдегі бір оқулық (1998), 4 оқу құралы, өнертабысқа 10 авторлық куәлік алды. Ол Бүкілодақтық стоматологтар қоғамы президиумының мүшесі, “Стоматология” журналының редакциялық алқасының мүшесі болып сайланды. 30 жыл бойы хирургиялық стоматология кафедрасының меңгерушісі профессор Ж.Б. Оразалин жоғары білікті ғылыми кадрларды даярлауға көп уақыт бөлді, оның басшылығымен ҚР әртүрлі қалаларында жұмыс істейтін 3 медицина ғылымдарының докторы мен 13 кандидаты тамаша қорғалды.
Қазіргі уақытта ол ринофимаға және жақ-бет аймағының ауыр патологиясына хирургиялық араласу әдістерін жетілдіру бойынша жұмысын жалғастыруда. “Ерең еңбегі үшін” медалімен, ҚР ДСМ “Денсаулық сақтау ісінің үздігі” төсбелгісімен марапатталған.
Жақсылық Оразалин есімі – Қазақстандық хирургиялық стоматология тарихындағы тұтастай дәуір, білім мен тәжірбиенің және қазіргі уақыттың ұлы хирургінің дәуірі. Бүгінгі құрылған оның ғылыми мектебі – көзі тірісінде қойылған ескерткіш іспеттес.